Ikirenga Festival 4th Edition

Rya­heruk­a­ga kuba mu 2024. Kuri iyi nshuro riz­a­ba guhera ku wa 19 kugeza ku wa 21 Ukuboza 2025, rifite insan­ganya­mat­siko igi­ra iti “Our cul­ture, our iden­ti­ty.”

Iri seruki­ra­mu­co rite­gur­wa na Ikiren­ga Art and Cul­ture Pro­mo­tion, rigami­je guteza imbere urun­yu­ranyu­ranye rw’umuco, guhuza abanyabu­geni n’abasanzwe bakun­da umu­co, ndetse no kuba­ka umusin­gi w’ubukerarugendo bushingiye ku muco nyarwan­da.

Umuy­obozi wa Ikiren­ga Art and Cul­tur­al Pro­mo­tion, Hak­iz­imana Pierre, yab­wiye InyaRwan­da ko iyi nshuro iza­ba ikom­eye kurusha iza­ban­je kuko iza­hur­iza hamwe imi­co y’ibihugu bitan­dukanye byo muri Afu­ri­ka, Aziya n’u Burayi, byose bigami­je kuba­ka urubuga rwo gusan­gi­ra umu­co.

Ati: “Biri mu rwego rwo guteza imbere urun­yu­ranyu­ranye rw’umuco no gushyigiki­ra gahun­da za Con­ven­tion 2005 of UNESCO nk’uko turi abanya­muryan­go. Tugiye guko­ra iyi nshuro ya kane ya Ikiren­ga Cul­ture Tourism Fes­ti­val mu Rwan­da kugi­ra ngo dushyigikire umu­co wacu tutiren­gag­i­je n’imico y’ahandi,”

Yongeye­ho ko muri iyi nshuro haz­a­gara­gara byin­shi bir­i­mo ibitaramo by’abahanzi, imurik­abiko­r­wa ry’ubugeni n’ubuhanzi, ndetse n’imurikabikorwa ry’imico y’ibihugu bitan­dukanye nka Ugan­da, Ango­la, Pak­istan, Ubuhinde, Sudan na Côte d’Ivoire.

Uretse kuba ari urubuga rwo kugaragaza umu­co, iri seruki­ra­mu­co rizanafasha mu guhuza aba­hanzi n’abashoramari, by’umwihariko abako­r­era mu bijyanye n’ubukerarugendo, bityo ribe umusin­gi w’ubufatanye bushob­o­ra guteza imbere ubuhanzi n’ubucuruzi bushingiye ku muco.

Peter yavuze ko “Ikiren­ga Cul­ture Tourism Fes­ti­val itagami­je gusa kwerekana imbyi­no n’indirimbo za kin­yarwan­da, ahub­wo ina­garagaza uburyo umu­co ushob­o­ra kuba igiko­re­sho gikom­eye mu iter­am­bere.”

Nk’uko insan­ganya­mat­siko ibi­garagaza, iyi nshi­ro iziban­da ku kugaragaza uko umu­co ari ishusho y’umuntu n’igihugu.

Mu bihe isi iri kun­yu­ramo, aho imy­it­warire n’imyambarire biva ku mbuga nko­ranyam­ba­ga byi­gan­je cyane, iri seruki­ra­mu­co riz­ibut­sa Aban­yarwan­da agaciro ko gusi­gasira ibyabo.

Abate­gu­ra iri seruki­ra­mu­co bavu­ga ko haz­an­abamo ibi­ganiro n’amahuriro by’abahanga mu by’umuco, aho baza­san­gi­ra ibitek­ere­zo ku buryo urubyiruko rw’u Rwan­da rwakomeza kuba­ka ejo har­wo rufatiye ku ndan­ga­gaciro z’umuco nyarwan­da.

Iseruki­ra­mu­co Ikiren­ga Cul­ture Tourism Fes­ti­val ryagiye rigara­garamo ibiko­r­wa by’ubugeni, imbyi­no, imideli, indirim­bo, imida­gaduro ndetse n’ubuhanzi buko­matany­i­je. Uko imya­ka igen­da ishi­ra, rigen­da rifa­ta indi ntera mu kugaragaza u Rwan­da nk’igihugu gifite umu­co wihariye kan­di cyiteguye kwaki­ra aban­di.

Iri seruki­ra­mu­co riza­fun­gu­ra amarem­bo ku wa 19 Ukuboza 2025, risozwe ku wa 21 kuri Kigali Diplo­mat Hotel imbere ya Kigali Con­ven­tion Cen­ter, rikaz­a­ba ari imin­si itatu y’ubusabane, ibi­ganiro, n’imurikabikorwa biza­huza ibi­hugu bitan­dukanye mu izina ry’umuco.